Kitu cha thamani unachopoteza pindi uangaliapo picha za ngono(porn)

Kwanini inanibidi nichukue gharama zote kuacha kuangalia picha za ngono(porno) ? .

Kazi ya shetani ni kuhamasisha watu kutenda dhambi sana kwa kuwa mwisho wa dhambi ni mauti na kazi ya MUNGU ni kuhamasisha watu kutenda mema zaidi kwa kuwa mwisho wa mema ni uzima wa milele.

Kuna vitu vya thamani na vikubwa sana unavipoteza pindi tuu unapoangalia picha za ngono/porno. Mikanda hiyo ya ngono imekuwa na majina tofauti tofauti kama vile pilau,picha za bluu,mijengo na mengineyo.

Nini kinatokea pale tunapoangalia picha za uchi/ngono?,Jibu ni tunaamsha tamaa za mwili na tunakwenda kinyume na MUNGU kwa kutokukubali kuongozwa na ROHO wa MUNGU bali tunakuwa tumekubali kuutii miili yetu.

 Imeandikwa “lakini mimi nawaambia, Kila mtu atazamaye mwanamke kwa kumtamani, amekwisha kuzini naye moyoni mwake.” -Mathayo 5:28

Kwa hiyo mtu yeyote anapoangalia picha za ngono/uchi anakuwa amezini moja kwa moja bila kujijua.Kwa hiyo vitu anavyovikosa baada ya kuangalia picha za ngono/porno ni:-

1.Unakosa ROHO mtakatifu

Mtu anapoangalia mikanda ya ngono(kutenda dhambi) basi ROHO mtakatifu wa MUNGU anaondoka katikati yake.

ROHO mtakatifu kazi yake ni kumpa ulinzi ,kumuongoza na kumfunulia mambo ya sirini ya siku zijazo.

2.Unakosa uwepo wa MUNGU

Unapoangalia mikanda ya ngono unakosa nguvu ya MUNGU inayoweza kukuletea msaada katika maisha ya kawaida pasipo wewe kujua.

Mfano :malaika wa MUNGU wanaokulinda kila mara wanaacha kukulinda pale mtu anapoangalia mikanda ya ngono(atendapo dhambi).

3.Unakosa uhusiano na MUNGU

Unapoangalia picha za ngono uhusiano unapovunjika na MUNGU maana yake jina lako linakuwa halipo katika kitabu cha uzima wa milele kwa hiyo unakuwa haupo katika majina ya wataokwenda mbinguni.

HAKUNA FAIDA YA KUANGALIA PICHA ZA NGONO(PORN).

Wimbi la picha za uchi na mikanda ya ngono/porno katika mitandao ni wimbi la kazi za shetani kwa kuwa yeye hupenda watu wafanye dhambi zaidi ili kwa kuwa mwisho wa dhambi ni mauti.

Watu wengi wamekuwa wakiangalia picha za ngono/porno kupitia mitandao mbalimbali na blog bila kujua hasara za kuangalia picha hizo katika maisha yao ya kiroho na kimwili pia.

Imeandikwa “Lakini uasherati usitajwe kwenu kamwe, wala uchafu wo wote wa kutamani, kama iwastahilivyo watakatifu”-Waefeso 5:3

 1.Kuangalia mikanda ya ngono/porno kuna leta laana.

Imeandikwa “wenye macho yajaayo uzinzi, . . . . . . . . . . . . .  mioyo iliyozoezwa kutamani, wana wa laana;” -2 Petro 2:14

Kuna laana inajitengeneza pale mtu anapojizoesha kuangalia picha za ngono.

Imeandikwa “Bwana MUNGU asema hivi; Kwa sababu uchafu wako umemwagwa, na uchi wako umefunuliwa, kwa njia ya uzinzi wako pamoja na wapenzi wako; na kwa sababu ya vinyago vyote vya machukizo yako; na kwa sababu ya damu ya watoto wako, uliyowapa;” -Ezekieli 16:36

 Imeandikwa “basi, tazama, nitawakusanya wapenzi wako wote ambao umejifurahisha pamoja nao, nao wote uliowapenda, pamoja na watu wote uliowachukia; naam, nitawakusanya juu yako pande zote, na kuwafunulia uchi wako, wapate kuuona uchi wako wote.”- Ezekieli 16:37

Kwa hiyo sii vyema kuziangalia picha hizo za ngono zinazochochea kutokea laana ambazo zitaziba kuonekana kwa baraka katika maisha yetu.

2.Picha za ngono(porno) zina athiri mtazamo hasa katika kufikiri yaani mawazo

Mawazo mabaya huwa yanamtawala mara zote mtu aangaliae picha za ngono Imeandikwa “Kwa maana moyoni hutoka mawazo mabaya, uuaji, uzinzi, uasherati; wivi, ushuhuda wa uongo, na matukano;”-Mathayo 15:19

Mtu ambaye amezoea kuangalia picha za ngono(porn) kila anapoona watu wengine mitaani yeye anawaona au anaweza anza wawazia/imagine wakiwa uchi na kuwaona wakiwa uchi  hata kama amevaa nguo yeye atawafikiria/imagine wanavyokuaga uchi huwa wanakuaje.

Mtazamo utabadilika kwa kuona ni vyema kuangalia picha za ngono kuliko kuwa na mwenzi wako.

Inafanya watu wengi wanaoangalia picha za ngono(porn) kutoridhika pale wanapofanya mapenzi na wake au waume zao kwa kuwa walitazamia kupata kulingania na kile walichokuwa wakikiona katika mikanda ya ngono.

Mfano :Mikanda ya ngono inapoonyesha mwanaume mmoja anawaingilia kingono wanawake wanne(4). Basiii hiyo hali inaathiri huyo anaye tazama kwa kuwa naye atatamani apate wanawake wengi kiasi hicho ili kufaidi kama alivyoona katika mikanda hiyo.

3.Kuangalia picha za ngono(porno) kuna gharimu muda na hata kukupotezea muelekeo.

Imeandikwa “Enendeni kwa hekima mbele yao walio nje, mkiukomboa wakati.Tuukomboe wakati”- Wakolosai 4:5

Duniani tupo kwa muda kidogo tuu na kila mtu amepewa lengo na kusudi la kuwepo hapa duniani.

Pia ametupa muda wa kutimiza hayo makusudi sasa unapokuta mtu anaopenda sana kuangalia picha hizi za ngono anaweza jikuta muda wake mwingi ukitumika kuangalia picha za ngono/porno katika blog na website badala ya kulenga kile ambacho ni lengo lake kuwepo duniani kwalo.

Imeandikwa “mkiukomboa wakati kwa maana zamani hizi ni za uovu.”- Waefeso 5:16

4.Unakuwa mtumwa wa kuangalia picha za ngono(pornography/porn).

Ukweli usiopingika ni huu kuwa kwa kadri unavyozidi kuangalia picha za ngono(porn) ndivyo hivyo unapakuwa na kiu kubwa ya kuangalia picha za ngono(porn) tena na tena.

Hatutakiwi tuwe watumwa wa kuangalia picha za uchi bali tuwe vijana wenye msimamo katika kutimiza kazi au kusudi  la MUNGU alilotuwekea hapa duniani huku tukiukomboa wakati.

5.Kuangalia picha za ngono(porn) kunaalika roho chafu.

Mtu anapoangalia picha za uchi anajikuta taratibu anavutwa kufanya vitu vingine kama vile labda awali alikuwa hana tabia za uzinzi basi baada ya kuwa anaangalia hizi picha za uchi basi anaanza uzinzi,au umalaya .

Kuangalia picha za ngono(porn) kunaalika roho ya uzinzi,umalaya,ushoga,roho ya kupiga punyeto hata uvivu.

Njia za kuacha kuangalia picha au mikanda ya ngono/porno

Imeandikwa “Kwa kuwa wote wanaoongozwa na Roho wa Mungu, hao ndio wana wa Mungu.”- Warumi 8:14

Kama watoto wa MUNGU hatutakiwi kuongozwa na mwili bali na ROHO wa MUNGU na ROHO wa MUNGU hupingana na matendo ya mwili.

Imeandikwa “Basi matendo ya mwili ni dhahiri, ndiyo haya, uasherati, uchafu, ufisadi,”-Wagalatia 5:19

Hatutakiwi kujiendekeza kufanya matendo ya mwili kwa kuwa matendo ya mwili hatutaweza kuyatimiza kamwe na mwisho wa matendo ya mwili ni kifo/mauti.

Pima mwenyewe Baada ya kuangalia hizo picha za ngono umepata nini?, na umekosa nini ?, 

Ukisha tathimini ndipo uchukue gharama kubwa ya kuamua kuacha kuangalia picha hizo za ngono kwa maombi na kwa neno la MUNGU.

Usijiulize kwa nini unapenda kuangalia picha za ngono(porno) bali penda kujua nini kinachokufanya uangalie picha hizo.

Mipaka yetu kama watoto wa MUNGU kwa kuwa tuu hekalu la ROHO mtakatifu.

1.Hatuufuati mwili bali tunafuata ROHO wa MUNGU aliye ndani yetu.

“Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe;” -1 Wakorintho 6:19

Ili tuwe watu wakubwa wa kiroho hatutakiwi kuufuata mwili kwa kuwa sisi sii mali yetu wenyewe bali ya MUNGU.Hivyo basi inatubidi tuishi kama yeye MUNGU aliyetuumba anavyopenda sisi kuishi.

Imeandikwa “Maana ninyi, ndugu, mliitwa mpate uhuru; lakini uhuru wenu usiwe sababu ya kuufuata mwili, bali tumikianeni kwa upendo.” -Wagalatia 5:13

2.Kuwaza kwetu na kuwe na mipaka katika ROHO mtakatifu.

 Ili tuache kuangalia picha za ngono inabidi tujifunze kuwa za sawa sawa na ROHO wa MUNGU apendavyo na sio kuwaza mambo ambayo ROHO wa MUNGU hatayapenda .

Imeandikwa “Basi, vifisheni viungo vyenu vilivyo katika nchi, uasherati, uchafu, tamaa mbaya, mawazo mabaya, na kutamani, ndiyo ibada ya sanamu;”- Wakolosai 3:5

3.Ujana wako usiwe kigezo cha kukufanya  uende kinyume na taratibu za MUNGU

MUNGU anatuonya kama wanawe kuwa ujana wetu isiwe ni kisingizio au kigezo chochote chakutufanya kuwaka tamaa aua kuishi maisha ya kutenda dhambi bali tuwe mfano na kielelezo na wenye msimamo katika kuacha kuangalia picha za ngono.

 “Lakini zikimbie tamaa za ujanani; ukafuate haki, na imani, na upendo, na amani, pamoja na wale wamwitao Bwana kwa moyo safi.”- 2 Timotheo 2:22

4.Vita vikubwa vimo ndani yetu na sio nje ya mwili

Imeandikwa  “Vita vyatoka wapi, na mapigano yaliyoko kati yenu yatoka wapi? Si humu, katika tamaa zenu zifanyazo vita katika viungo vyenu?” -Yakobo 4:1

Vita vipo vikubwa hasa pale unapotaka kuacha kuangalia picha za ngono sasa hapo unatakiwa ujiwekee msimamo katika kutenda mazuri ya kila namna ili kukuwezesha kuacha kuangalia picha za ngono.

Dunia inapita na pia kuna taji kubwa la kukabidhiwa kama mtoto wa MUNGU baada ya kuishi duniani.

“Na dunia inapita, pamoja na tamaa zake, bali yeye afanyaye mapenzi ya Mungu adumu hata milele.” -1 Yohana 2:17

JIANDAE KUOLEWA/KUOA !!!!

Kama wewe ni mwanamke jiandae KUMTII mume wako.Jiandae kwa kung`ang`ania mapambo yasio haribika,yaani roho ya upole na utulivu na iliyo thamani mbele za MUNGU.

Imeandikwa “Ninyi wake, watiini waume . . . .  .”- wakolosai 3:18

 Je wewe kama mwanamke unayetarajiwa kuolewa upo tayari  kuongozwa na mume wako?

Mume /Baba ndio kichwa cha familia hata kama hana hela au hajui lolote yeye bado anakuwa kichwa cha familia maana yake maamuzi mengi yanategemewa yatoke kwake au yapitishwe kwa ridhaa yake.

Imeandikwa “Ni afadhali kukaa katika pembe ya darini, Kuliko katika nyumba pana pamoja na mwanamke mgomvi.”-mithali 21:9

Je wewe kama mwanamke unayetarajia kuolewa upo tayari kumtii mumeo kwa ajili ya mambo ambayo hujayapenda ?.

Inawezekana hujazoea kutii mtu yeyote lakini kama unahitaji uwe na ndoa yenye kudumu basi anza kujiweka vyema kumtii mume wako.

Asilimia tisini (90%) ya ndoa ambazo zimevunjika chanzo chake ni wanawake kutotii waume zao.

Utii kwa mumeo  unaweza geuza moyo wa mumeo unaweza fanya hadi mumeo abadilike kama huwa anakuwa mkali anaanza kuwa mpole,utii unaweza fanya.

Inaanza kama utani tuu mwanamke anakuwa hamtii mume wake kwa mambo madogo madogo.

Kwa wanawake wengi kutokutii waume zao kumechangia wanaume kutegeka kirahisi na wanawake ambao wanaonekana wana utii na hata kufanya wanaume hao walio oa tayari kuanza mahusiano na wanawake walio n`nje ya ndoa kwa kuwa tu wanapendezwa na utii wao.

Ukiona ndoa zinavunjika ujue sababu kubwa sio hizo wanazozitaja bali chanzo chake mwanamke alikuwa hana utii,haheshimu mumewe na hakubali aongozwe!.

Wanaume kwa asili hawawezi kuwa na furaha kukaa na mwanamke ambaye hamtii.

Kama  ndoa yako ina matatizo matatizo kama mwanamke sasa badili nia sasa na kuanza kumfanya mume wako ajisikie yeye ni kiongozi yeye ni msemaji wa mwisho wa mambo,ajisikie yeye ni mtu anaongoza na kutegemewa.

Haina maana kila anachosema ni lazima utii hapo hapo hata kama kina madhara lakini unaruhusiwa kumpa ushauri kwa upole na akaupokea vizuri.

Lakini hata kaa akubali ushauri wako endapo kila anachokisema kwako kinakuwa kibaya na unakikataa kwa kumdharau au kuonyesha hali yeyote ya kutokumtii.

Mwanamume jiandae kumpa mke wako heshima

Imeandikwa “Bwana Mungu akasema, Si vema huyo mtu awe peke yake, nitamfanyia msaidizi wa kufanana naye.”-Mwanzo 2:18.

Unataka ndoa yako idumu na iwe nzuri yenye furaha na amani inabidi ukubali kuishi kama MUNGU alivyotaka kwa kuwa yeye MUNGU ndiye muanzilishi wa ndoa.

Imeandikwa “. . . . . kumpa mke heshima, kama chombo kisicho na nguvu; na kama warithi pamoja wa neema ya uzima, kusudi kuomba kwenu kusizuiliwe.”-1 petro 3:1-7

Kama wewe mwanaume unataka uwe na ndoa yenye amani na kudumu inabidi ujifunze na ujizoeshe kumheshimu mchumba wako/mkeo.

Kila kitu katika maisha kinahitaji maandalizi,na maandalizi yanaweza kutengeneza kitu kikawa kizuri au kibaya kwa hiyo basi maandalizi ni msingi wa kila kitu.Kama unataka kitu kiwe kizuri sana basi inatakiwa maandalizi yake yawe mazuri sana.

Ukiona ndoa ya watu fulani imedumu muda mrefu kwa amani na furaha ujue kila mmoja wao alijiandaa hasa katika moyo wake.

Upendo au hisia pekee hazifanyi ndoa kudumu bali maandalizi ya kitabia ndio yanafanya ndoa kuwa vizuri.

Jiulize hili na upate kujua kuwa kila mtu anapofunga ndoa hua anamapenzi ya dhati kwa mwenzi wake,huwa ana hisia kubwa sana kwa mwenzi wake lakini hushangai baada ya muda watu hao huachana!!!.

Kwa hiyo kosa sio kuwa hawapendani bali hawana tabia zinazoendana kuishi katika ndoa. Kwa hiyo tabia bora katika ndoa ni muhimu  kuliko mali/fedha,upendo ,hisia na vinginevyo.

Maandalizi yakiwa kidogo yatatoa matokeo kidogo,Maandalizi yakiwa makubwa yatatoa matokeo makubwa.

Vivyo hivyo watu wengi wanapenda kuwa na ndoa nzuri zenye furaha na amani lakini hawawi na maandalizi yanayoendana kuipata ndoa nzuri kiasi hicho.

Kwanza kabla ya kuwaza kuoa au kuolewa unatakiwa ujiandae binafsi kuwa mzuri kabla ya kuwaza unataka mtu mzuri kiasi gani.Ninaposema mzuri ninamaanisha uzuri wa moyo na sio wa sura ingawa si tatizo kama nao ukiwa nao.

Mwanzilishi wa ndoa ni MUNGU hivyo ukitaka kuishi maisha ya furaha na amani katika ndoa yako inabidi uangalie na ufuatishe kila maelekezo ya muanzilishi wa taasisi hiyo yaani ndoa.

Kujiandaa kuolewa ni kujitazama mwenyewe kwanza kama  wewe ni mke/mume mwema?

Watu wengi wanaposikia swala la kuolewa/kuoa hufikiria kujiandaa katika maswala ya kiuchumi tuu yaani awe na mali na fedha ndipo aoe au aolewe pasipo kujua kuwa ni muhimu zaidi kuwa na maandalizi katika fikra na tabia kuliko kifedha na mali.

Kwa kuwa kinachofanya ndoa nyingi zivunjike sio kukosa mali/fedha bali ni kukosa tabia njema kati ya wawili hao     

Kwa hiyo kujiandaa kitabia ni vizuri zaidi kuliko kujiandaa kifedha. Huu ndio mwenendo mzima wa kutenda,kufikiri na kusema.

Hekima zitakazokusaidia kuishi vyema katika ndoa !

Hekima ni maarifa kamiliyanayoweza kukusaidia katika mambo mbalimbali.

Sasa kuna hekima inayohitajika kujifunza na kuitumia ili kuwa na ndoa nzuri katika maisha yako yote bila kutengana,wala kuachana.Hizo hekima nazo ni pamoja na :-

                                                                                                                                         

1.Jua namna ya kuutumia ulimi wako.

Imeandikwa“Mpumbavu hudhihirisha hasira yake yote; Bali mwenye hekima huizuia na kuituliza.”-Mithali 29:11

Kuwa mwenye uwezo wa kuongea mambo ya maana na katika wakati unaofaa.Tena ni bora kunyamaza kuliko kuongea mambo yatayochochea hasira.

Imeandikwa “Asiye na akili humdharau mwenziwe; Bali mtu aliye na ufahamu hunyamaza.

 Mwenye kitango akisingizia hufunua siri; Bali mwenye roho ya uaminifu husitiri mambo”-Mithali 11:12-13.

2.ONGEA KWA UPOLE

Haina haja yeyote ya kuongea mwenzi wako kwa ukali na si vyema kuongea kwa ukali na mwenzi wako.

Imeandikwa “Jawabu la upole hugeuza hasira; Bali neno liumizalo huchochea ghadhabu.”-mithali 15:1

Tuwe na uvumilivu kwa magumu ili kuweza kuongea kwa upole na heshima na hiyo ndio hekima kuu.

Imeandikwa “Kwa uvumilivu mwingi mkuu husadikishwa; Na ulimi laini huvunja mfupa.”-mithali 25:15

3.Angalau Fikiri kabla hujaongea neno.

“Je! Umemwona mtu mwenye kuhamaki katika maneno? Afadhali kumtumaini mpumbavu kuliko yeye”-Mithali 29:20

Kabla ya kutoa neno ni hekima sana ukiwa una fikiri kuliko kuongea mabaya juu ya jambo lolote kwa mwezi wako.“Moyo wa mwenye haki hufikiri jinsi atakavyojibu; Bali kinywa cha wasio haki humwaga mabaya.”-mithali 15:28

Ongea kitu kwa namna ya kufundisha na namna ya kujenga nasio kulaumu au kukosoa ili eti uonekane uko mkamilifu sana.

“Moyo wake mwenye hekima hufundisha kinywa chake; Huzidisha elimu ya midomo yake.”-mithali 16:23

4.Angalau sikiliza kabla ya kuongea neno/usiwe mwepesi wa kuongea.

Imeandikwa “Yeye ajibuye kabla hajasikia, Ni upumbavu na aibu kwake.”-mithali 18:13

Mabishano mengi katika mahusiano hutokea kwa kuwa tuu kuna mmoja kati yao ambaye hajamsikiliza mwenzie kwa kuongea pasipo kutaka kumsikiliza mwenzie.

 “Aliye na akili moyoni mwake atapokea agizo; Bali mpumbavu mwenye maneno mengi ataanguka”-Mithali 10:8

5.Usiongeze chumvi

Imeandikwa “Shahidi wa uongo hakosi ataadhibiwa; Wala asemaye uongo hataokoka”- mithali 19:5

Si sawa kuwa muongo yaani mtu wa kunena uongo ni bora uongee ukweli hata kama ukweli huo unaweza kuwa unaumiza sana lakini ni bora uuseme huo kuliko uongo.

“Afadhali maskini aendaye katika unyofu wake, Kuliko mpotofu wa midomo aliye mpumbavu.”- mithali 19:1

6.Kuwa makini na utani/jinsi unavyotania.

Utani una asilimia 50% za kujenga na pia utani una asilimia 50 % za kubomoa.Kwa hiyo upomtania mpenzi wako kuwa sana makini na utani unaoufanya kwa kuwa unaweza utani huo ukamkwaza.

Imeandikwa “Kama mtu mwenye wazimu atupaye mienge, Na mishale, na mauti;

 Ndivyo alivyo amdanganyaye mwenzake, Na kusema, Je! Sikufanya mzaha tu?”-Mithali 26:18-19

7.Penda kutumia maneno yanayojenga katika maongezi yako

Ongea mambo yanayojenga kwa maneno ya kuvutia hata kama yeye huwa hafanyi hivyo.

Imeandikwa“Kuna anenaye bila kufikiri, kama kuchoma kwa upanga; Bali ulimi wa mwenye haki ni afya.”-mithali 12:18

Kuna mambo ambayo mtu akiambiwa moja kwa moja anakuwa na furaha na amani. Mfano neno:nakupenda,pole,asante,samahani,nisamehe na n.k

“Uzito katika moyo wa mtu huuinamisha; Bali neno jema huufurahisha.”-Mithali 12:25

Kuishi katika ndoa yenye amani na upendo si bahati nasibu si kamari bali ni kuamua na kupangilia kwa kujizoesha tabia njema.